Зыян келтирбе!”. Кыргыз өлкөсүнүн медиа коомчулугу эки өлкөнүн журналисттерине кайрылуу кылды
“Mediamost” медиа коомчулугу чек ара кырдаалына байланыштуу Кыргыз өлкөсү менен Тажикстандын журналисттерине кайрылды. Медиа эксперттер өз кайрылуусунда чек арадагы окуяларды чагылдырган ар бир адамды “Зыян келтирбегиле!” принцибин сактоого, коңшу элдердин ортосундагы факторлорду бириктирип, чыр-чатактарды чечүүнүн жолдору жөнүндө жазууга үндөшөт. “Урматтуу Кыргыз өлкөсүнүн жана Тажикстандын журналисттери! Учурда чек арадагы жаңжал тууралуу көптөгөн материалдар жарыяланууда. Массалык маалымат каражаттары аудиторияга таасир этүүчү эң күчтүү шаймандардын бири экендигин унутпоо керек. Маалыматтын тактыгы үчүн журналисттердин жоопкерчилиги жогору болуш керек. Бир этиятсыз сөз, интернет булактарына туура эмес түрдө же бурмаланган факты менен тараса кырдаалды курчутуп жибериши мүмкүн.
Террордук толкунду жана зомбулукту токтотууга укук коргоо органдары алсыз болуп калат. Журналистке чындыкты айтууга эч ким тыюу салбайт жана чындыкты айтуу бул анын милдети. Бирок чындык ишенимдүү булактардан алынган чыныгы фактыларга негизделип, бир нече булактар тарабынан текшерилип, жалпы эле журналисттик материал тең салмактуу, калыс жана эмоциясыз болушу керек. Өзгөчө өтө кылдаттыкты жана назиктикти талап кылган окуялар жөнүндө сөз болгондо, жалган маалымат таратпоо керек. Ошондой эле социалдык тармактардын колдонуучуларынан жаңжалды күчөтпөө үчүн терс комментарийлерден алыс болууну суранабыз”, – деп жазылат маалыматта.
Кыргыз өлкөсүнүн медиа коомчулугу чек ара көйгөйлөрүн чагылдыруу сапатын жогорулатуу мүмкүнчүлүктөрүн талкуулап, өлкөлөрдүн ортосундагы тынчтыкты жана ынтымакты сактоого көмөктөшүү үчүн өз ишинде төмөнкү стандарттарды сактоо керектигин сунуштайт:
Чек ара маселелери боюнча материал чагылдыруунун эрежелери:
1. Балансты тең салмакта сактоо: Эки тараптуу маселелерди чагылдырганда биз тараптардын көз карашын ар дайым тең салмактап турабыз.
2. Бей тараптуу, тактык: биз басылмалардагы фактылардын бурмаланышына жол бербейбиз, текшерилбеген фактыларды таратпайбыз жана цитаталарды келтирүүдө ар дайым булакты көрсөтөбүз.
3. Эч качан ушактарды жазбоо.
4. Ар дайым объективдүүлүк жана калыстык принцибин сактоо.
5 “Зыян келтирбе” принцибин сактоо.
Материалдын аягы эмнеге алып келет деп ойлонуу керек. Жаңжалдын курчушуна салым кошууга жол бербөө.
Булак: factcheck.kg
