Көңүл буруңуздар, мугалимдер!
«ММК Колдоо Борбору» Фонду мугалимдер арасында медиа-маалыматтык сабаттуулук (мындан ары ММС) компоненти камтылган “ММС компоненти камтылган видеосабак” аттуу мыкты иштелген видеосабактар боюнча сынак башталганын жарыялайт.
ММС компоненти камтылган видеосабак – бул ММС элементи жана ресурстар камтылып, сынчыл ойломду өнүктүрүүнү шарттаган, мектептик предметтердин биринен даярдалган мугалимдин чыгармачыл сабагы. Медиа жана маалыматтык сабаттуулук - бул маалыматка жетүүгө, анализдөөгө, баалоого, түзүүгө жана жайылтууга мүмкүндүк берген билим жана көндүмдөрдүн жыйындысы. ММС элементтери - бул сынчыл ойлом, акылдуу керектөө жана маалыматты аналитикалык чечмелөө.
Сынактын максаты: ММС компоненттерин кийирүү аркылуу окуучулардын сынчыл көз карашын өнүктүрүү; санариптик сабаттуулукка үйрөтүү, Интернет чөйрөсүндөгү коопсуздукту сактоо жана мектеп мугалимдеринин кесиптик-чыгармачыл өнүгүүсүн колдоо.
Конкурска Кыргызстандагы мектептердин бардык мугалимдери катыша алат. Конкурстун байге фонду:
1 орун - ноутбук
2 орун - ноутбук
3 орун - ноутбук
Сынактын шарттары:
- ММС элементтери камтылган видеосабак даярдап, өзүнүн же мектептин Youtube-каналын жүктөө.
- Катышуучулар атайын форманы шилтеме аркылуу толтуруусу, ошондой эле ал форманын соңуна сабагынын шилтемесин тиркөөсү зарыл: https://forms.gle/ebnoTXnyGGC9Xxs79
- www.mediasabak.org сайтына катталуу зарыл. (Сайтка катталуу жөнүндө бул жактан көрсөңүздөр болот: https://youtu.be/6KlOg5rPJSI)
- Биздин Facebook, Instagram баракчаларыбызга жана Youtube-канал каналыбызга жазылуусу керек.
Эмгектер 2020-жылдын 20-сентябрынан 25-октябрына чейин кабыл алынат.
Конкурстун эмгекке коюлуучу талаптар:
- ММС элементтери камтылып даярдалган 1 видео сабак болуусу;
- Сабактын узундугу (хронометраж) 15 минуттан 30 минутка чейин болуусу;
- Видеосабак мугалим тарабынан конкурс үчүн түзүлүшү керек (мурдагы башка долбоорлор үчүн даярдалган болбошу зарыл);
- КР мамлекеттик билим берүү стандарттарынын алкагында видео сабактардын мазмунун түзүү сунушталат;
- Видеосабакты чыгармачылык менен иштеп чыгуу;
- Окуучулардын сынчыл ой жүгүртүү жөндөмдөрүн өркүндөтүү;
- Видеосабактын эффективдүүлүгү жана заманбап онлайн технологияларын колдонууга артыкчылык берилет;
- Окутуунун инновациялык идеяларын киргизүү сунушталат;
- Алынган материалдарды консолидациялоо үчүн интерактивдүү жана практикалык методдорду колдонуу;
- Көрүнүктүү эстетикалык дизайн, чыгармачылык жана кызыктуу презентация;
- Видеосабакты даярдоо учурунан фотосүрөттөрдү (@mediasabak деп белгилөө менен) Инстаграмга же (Центр Поддержки СМИ деп белгилөө менен) Фейсбукка пост катары жайгаштырып, #mediasabak, #mig_videourok хештегдерин пайдалануу.
Видеосабактын тили кыргызча, орусча, өзбекче же тажикче болуусу мүмкүн.
Эгерде видеосабак кандай болушу керек экендигин билгиңиз келсе, анда төмөнкү видеолорду көрүүнү сунуштайбыз: https://www.mediasabak.org/kg/news/169/
Конкурстун жыйынтыгы 2020-жылдын 5-ноябрында чыгарылат.
Финалисттерди тандоону “ММК Колдоо Борбору” Фонду конкурстук негизде өткөрөт. “ММК Колдоо Борбору” Фонду жеңүүчүлөрдү аныктоо чечимин өзүнө алат.
Бардык кошумча суроолор үчүн төмөнкү байланыш даректерине кайрылсаңыздар болот: 0707 112 255 (Whatsapp) - Каныкей Кененсариева, 0777 230 286 - Тынчтыкбек Досмуратов же mediasabakkg@gmail.com электрондук дарегине кат жазыңыздар.
